PAETOVIUM

PAETOVIUM

urbs Pannoniae superioris i. e. Austriae, Ptolem. Paetovionem Tacitus scribit Histor. l. 3. c. 1. Alii Paetoniam, vulgo Betta. Sane in Graecis codicius legitur Παταύιον. Nic. Lloyd. Fuisse ibi castra Romanorum, docet Inscr. IUL. AUG. MATRI CASTRORUM POETOVIENS. Vide B. Rhenanum Rer. Germanic. l. 3. cum Notis Cl. Ottonis ICti p. 639. ubi vulgo Pettau dici, ac quondam Nobilibus a Pettau subfuisse, docet. Hîc Gallus Caesar Constantii iussu comprohensus ac ad Histriam propeurbem Polam ductus Marcellin l. 14. Hungari vero a Conrado III. Carinthiae Duce ingenti praeliô victi sunt, tempore Henrici III. Imperatoris Otto cit. loc.